Өнөөдрөөс 912 мянган иргэний НӨАТ-ын буцаан олгох урамшууллын 142 тэрбум төгрөг иргэдийн дансанд орж эхэллээ. 

Татварын багц хуулийг шинэчилсэнтэй холбоотой цаашид НӨАТ-ын буцаан олгох урамшууллыг улирал бүр олгох бөгөөд 2020 оны 1 дүгээр улирлын буцаан олгох урамшууллыг 4 дүгээр сард иргэдийн дансанд шилжүүлэхээр төлөвлөснийг өнгөрсөн долоо хоногт Сангийн сайд Ч.Хүрэлбаатар мэдээлсэн юм. 

2016 оноос татвар төлөгчийн худалдан авсан бараа, ажил үйлчилгээний НӨАТ-ын 20 хүртэлх хувийг буцаан олгох, сугалааны тохирлоор урамшуулал олгодог болсон. 2016 онд НӨАТ-ын системд 595 мянган хүн бүртгүүлж байсан бол одоо идэвхтэй хэрэглэгчийн тоо 1.1 саяд хүрээд буй.

https://montsame.mn/, Л.Нандинцэцэг

Сэтгэгдэл үлдээх

Please enter your comment!
Please enter your name here