МАДРИД. /AP/. Испанийн зүүн нутгийг энэ долоо хоногийн эхээр “Глориа” шуурга дайран өнгөрсний улмаас амиа алдсан хүний тоо 13 хүрч, 4 хүн сураггүй хэвээр байгаа талаар тус улсын эрх баригчид пүрэв гарагт мэдээлсэн байна.
Испанийн Ерөнхий сайд Педро Санчез байгалийн гамшигт үзэгдэлд нэрвэгдсэн бүс нутгуудад өчигдөр очиж, нөхцөл байдалтай биечлэн танилцжээ. Мөн Засгийн газар байгалийн гамшгийн уршгийг хэрхэн арилгах талаар хэлэлцэхээр баасан гарагт шуурхай хуралдаан зарлажээ.
Испанийн олон нийтийн хэвлэл мэдээллийн хэрэгслүүдийн мэдээлснээр, Каталонд 5, Валенсиад 5, Андалусиад 2, Кастилиа ба Леонд 1 хүн нас баржээ. Мөн 4 хүн сураггүй хэвээр байгаа тул амиа алдсан хүмүүсийн тоо цаашид нэмэгдэж болзошгүй аж.
