Эх сурвалжтай мэдээ
Он гарснаас хойш Монголд 418 мянган жуулчин иржээ
Аялал жуулчлалын мэргэжлийн холбооны мэдээлснээр 2026 оны долоодугаар сарын 1-ний байдлаар Монгол Улсад 418,732 гадаадын жуулчин ирээд байна гэв. Энэхүү тоог суралцах, ажиллах, байнга оршин суухаас бусад зорилгоор Монгол Улсын хилээр нэвтэрсэн гадаадын иргэдийн тоонд үндэслэн гаргажээ.
Дээрх тоо нь 2025 оны мөн үеэс 69,088 жуулчнаар буюу 19.8 хувиар өссөн үзүүлэлт аж.
Монгол Улс жилд нэг сая, цаашлаад хоёр сая жуулчин хүлээж авах зорилт тавьсан.
Энэ зорилт биелэлээ олохгүй байгаа ч сүүлийн жилүүдэд жуулчдын тоо нэмэгдэж байгаа.