БНСУ-ын Сөүл хотод болох “COMEUP 2026” олон улсын стартап наадамд оролцох гурван гарааны компанийг шалгаруулахаар төслийн материалыг хүлээн авч байна. Шалгарсан багуудын нислэгийн тийз болон байрлах зардлыг зохион байгуулагч талаас бүрэн хариуцна.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээБНСУ-ын Сөүл хотын “COEX” үзэсгэлэнгийн төвд 2026 оны 12 дугаар сарын 9-нөөс 11-ний өдрүүдэд “COMEUP 2026 – Global Startup Festival” олон улсын стартап, инновацын арга хэмжээ зохион байгуулагдана. Тус арга хэмжээ нь дэлхийн улс орнуудын гарааны бизнес эрхлэгчид, хөрөнгө оруулагчид болон технологийн салбарынхныг холбох, түншлэлийг өргөжүүлэх зорилготой юм.
Товчхон
Энэхүү наадамд эх орноо төлөөлөн оролцох гарааны компаниудын эхний шатны материалыг 2026 оны 10 дугаар сарын 14-нөөс 22-ны өдрүүдэд цахимаар хүлээн авна. Сонгон шалгаруулалтын хоёрдугаар шатнаас шилдэг зургаан төслийг шалгаруулах ба БНСУ-ын Жижиг, дунд үйлдвэр, стартапын яам болон Стартап, энтрепренер хөгжлийн хүрээлэнгийн ажлын хэсэг 11 дүгээр сарын 3-ны дотор эцсийн гурван багийг тодруулах юм.
Шалгаруулалтад мэдээллийн технологи, программ хангамжийн чиглэлээр үйл ажиллагаа явуулдаг, байгуулагдаад 7 жил болоогүй, англи хэлээр төслөө танилцуулах чадвартай компаниуд хамрагдах боломжтой. Эцсийн шатанд шалгарсан гурван компанийн Улаанбаатар–Сөүл чиглэлийн хоёр талын нислэг, зочид буудлын зардлыг бүрэн санхүүжүүлж, бүтээгдэхүүн, үйлчилгээгээ олон улсын тавцанд танилцуулах боломж олгоно.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Бизнес, инновацын газар
Шинэ
© 2026 Tuuchee.mn. Бүх эрх хуулиар хамгаалагдсан.
Хөгжүүлсэн: Sain Web
— Сурталчилгаа —
