Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээШатахууны хангамжийг нэмэгдүүлэх шуурхай штаб хуралдаж, орон нутагт үүссэн ачааллыг бууруулах, нийлүүлэлтийг тасалдалгүй хангах үүрэг өглөө. Есдүгээр сарын эхний долоо хоногт улсын хилээр 19853 тонн АИ92 автобензин орж иржээ.
Ерөнхий сайдын захирамжаар байгуулагдсан шатахууны хангамжийг нэмэгдүүлэх шуурхай штабын ээлжит хурал боллоо. Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв хурлыг удирдан явуулж, нефть импортлогч аж ахуйн нэгжүүдэд вагон буулгалт, шилжүүлэн ачилтыг эрчимжүүлэх, боомтуудын бэлэн байдлыг хангах чиглэл өгөв.
Товчхон
Орон нутгийн шатахуун түгээх станцуудад дунджаар 54 машины хүлээгдэл үүсээд байна. Үүнээс Баян-Өлгий аймагт 105, Дорноговь болон Өмнөговьд тус бүр 90, Дорнод болон Завханд тус бүр 85 машины хүлээгдэл үүссэн тул эдгээр аймагт нийлүүлэлтийг нэн даруй нэмэгдүүлэх, бусад нутагт тогтвортой түгээхийг үүрэг болголоо.
Мөн намрын ургац хураалттай холбогдуулан газар тариалангийн бүс нутгуудад автобензин, дизель түлшний хангамжийг эрчимжүүлж, нөөцийг нэмэгдүүлэхийг холбогдох албаныханд даалгалаа.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Аж үйлдвэр, эрдэс баялгийн яам
Үргэлжлүүлэн унших
— Сурталчилгаа —
