Техник технологи, цахим орчны хэрэглээ нэмэгдсэнтэй холбоотойгоор хууль бусаар мөрдөж мөшгих гэмт хэрэг өсөх хандлагатай байна. Прокурорын байгууллага сүүлийн гурван жилд энэ төрлийн 16 хэрэгт яллах дүгнэлт үйлдэн шүүхэд шилжүүлжээ.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээХууль бусаар мөрдөж мөшгих нь 2015 оны Эрүүгийн хуульд шинээр тусгагдсан гэмт хэрэг бөгөөд хувь хүний халдашгүй байдал, эрх чөлөөг хамгаалах эрх зүйн баталгаа болдог. Техник технологийн дэвшил болон цахим хэрэглээтэй уялдан энэ төрлийн зөрчил нэмэгдэж байгааг прокурорын байгууллагаас мэдээллээ. Сүүлийн гурван жилийн хугацаанд хууль бусаар мөрдөж мөшгих 16 хэрэгт яллах дүгнэлт үйлдэн шүүхээр шийдвэрлүүлсэн байна.
Товчхон
Эрүүгийн хуулийн 13.12 дугаар зүйлийн 1 дэх хэсэгт зааснаар мөрдөн шалгах ажиллагаа явуулах эрхгүй этгээд бусдыг мөрдөн мөшгивөл 6 сараас 1 жил хүртэл хугацаагаар зорчих эрхийг хязгаарлах, эсхүл 6 сараас 1 жил хүртэл хугацаагаар хорих ял шийтгэдэг.
Харин эрх бүхий албан тушаалтан үүргээ гүйцэтгэх явцдаа хууль зөрчиж мөрдөн шалгах ажиллагаа явуулсан, эсхүл хувийн зорилгоор албаны техник хэрэгсэл ашиглан бусдыг мөрдөж мөшгивөл 5400-аас 27 мянган нэгжтэй тэнцэх төгрөгөөр торгох, эсхүл 1-ээс 5 жил хүртэл хугацаагаар хорих ял шийтгэхээр хуульчилсан байна.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Өмнөговь аймгийн прокурорын газар
Нэмэлт материал нь бие даасан баталгаажуулалт гэсэн үг биш.
Үргэлжлүүлэн унших
© 2026 Tuuchee.mn. Бүх эрх хуулиар хамгаалагдсан.
Хөгжүүлсэн: Sain Web
— Сурталчилгаа —
