Монголын өсвөрийн жүдочид Олон улсын хүүхдийн спортын наадмаас 12 медаль хүртлээ

Монголын өсвөрийн жүдочид Олон улсын хүүхдийн спортын наадмаас 12 медаль хүртлээ | Tuuchee.mn

ОХУ-ын Чита хотноо есдүгээр сарын 20-26-ны өдрүүдэд Олон улсын хүүхдийн спортын XII наадам үргэлжлэн явагдаж байна. Тус наадмын жүдо бөхийн төрөлд манай улсын өсвөрийн тамирчид дасгалжуулагч С.Солонгогэрэл, Ц.Гэрэлсайхан нарын удирдлага дор охид, хөвгүүдийн тус бүр зургаан жинд амжилттай өрсөлдлөө.

Товчхон

Гол баримтууд

ОХУ-ын Чита хотод Олон улсын хүүхдийн спортын XII наадам есдүгээр сарын 20-26-ны өдрүүдэд болж байна
Монголын жүдочид 2 алт, 2 мөнгө, 8 хүрэл медаль хүртэв
Баг тамирчдыг дасгалжуулагч С.Солонгогэрэл, Ц.Гэрэлсайхан нар удирдсан
Охидын төрөлд Б.Энэрэл (48 кг), А.Ануужин (63 кг) нар алтан медаль авав
Охидоос Г.Эрхсаран (70 кг), хөвгүүдээс А.Мөнх-Амьдрал (81 кг) нар мөнгөн медаль хүртлээ

Тэмцээний охидын 48 кг-ын жинд Б.Энэрэл, 63 кг-ын жинд А.Ануужин нар алтан медаль хүртсэн бол 70 кг-д Г.Эрхсаран мөнгөн медаль хүртэв. Мөн охидын 44 кг-д М.Тэргэлсаран, 52 кг-д М.Эрхсаран, 57 кг-д Г.Саранзаяа нар хүрэл медалийн эзэд болсон юм.

Хөвгүүдийн 81 кг-ын жинд А.Мөнх-Амьдрал мөнгөн медаль хүртсэн бол 50 кг-д О.Азбаяр, 55 кг-д М.Отгонбилэг, 60 кг-д А.Дашдэмбэрэл, 66 кг-д Х.Энх-Амгалан, 73 кг-д Н.Чингүүн нар хүрэл медаль хүртлээ.

Ил тод байдал