Шатахууны хангамж, түгээлтийг нэмэгдүүлэх шуурхай штаб хуралдаж, газар тариалангийн бүс нутгууд болон шатахуунгүй байгаа 17 суманд нийлүүлэлтийг шуурхай хүргэх үүрэг өглөө.
Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээЕрөнхий сайдын захирамжаар байгуулагдсан шатахууны хангамж, түгээлтийг нэмэгдүүлэх шуурхай штабын ээлжит хурал боллоо. Хурлаар намрын ургац хураалт эхэлсэнтэй холбогдуулан Сэлэнгэ, Дархан-Уул, Төв, Увс зэрэг газар тариалангийн үйлдвэрлэл бүхий аймгуудад автобензин, дизель түлшний хангамжийг нэмэгдүүлэх чиглэл өгөв.
Товчхон
Өнгөрсөн баасан гарагийн байдлаар улсын хэмжээнд шатахуунгүй байсан 30 сумын хангамжийг амралтын өдрүүдэд нэмэгдүүлснээр одоогоор 17 суманд түлш хараахан очиж амжаагүй байна. Мөн нэг ШТС-д 90-195 автомашины хүлээгдэл үүсээд буй Булган, Дорнод, Дундговь, Өмнөговь, Сүхбаатар аймгуудад шатахууны нийлүүлэлтийг яаралтай нэмэгдүүлэхийг импортлогч аж ахуйн нэгжүүдэд даалгалаа.
Есдүгээр сарын эхний долоо хоногийн байдлаар улсын хэмжээнд 16,651 тонн АИ-92, 120 тонн АИ-98, 46,000 тонн дизель түлш, 1,790 тонн онгоцны түлш импортоор орж иржээ.
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Аж үйлдвэр, эрдэс баялгийн яам
Үргэлжлүүлэн унших
— Сурталчилгаа —
