Нийтлэл бүрийн ашигласан үндсэн болон нэмэлт материалыг нээлттэй харуулна.
Бүх мэдээӨмнөговь аймагт орон нутгийн үнэт цаас гаргасантай холбогдуулан Банкны тухай болон Аж ахуйн нэгжийн орлогын албан татварын тухай хуульд нэмэлт, өөрчлөлт оруулах төслийн хэлэлцүүлэг болов. Хуулийн өөрчлөлтөөр орон нутгийн бондын хүүгийн орлогыг татвараас чөлөөлөх, арилжааны банкууд үнэт цаасны арилжаанд хязгаарлалтгүй оролцох эрх зүйн орчныг бүрдүүлэхээр тусгажээ.
Өмнөговь аймаг орон нутагт анх удаа үнэт цаас буюу бонд гаргасантай холбогдуулан УИХ-ын гишүүн Р.Сэддоржийн санаачилсан Банкны тухай болон Аж ахуйн нэгжийн орлогын албан татварын тухай хуулиудад нэмэлт, өөрчлөлт оруулах төслийн хэлэлцүүлгийг тус аймгийн Иргэний танхимд зохион байгууллаа. Аймгийн ИТХ-тай хамтран зохион байгуулсан тус хэлэлцүүлэгт аймгийн удирдлагууд, Тамгын газрын холбогдох хэлтэс, Татварын газар болон Монголбанк, арилжааны банкуудын төлөөлөл, иргэд оролцсон байна. Хуулийн төсөлд тусгаснаар Аж ахуйн нэгжийн орлогын албан татварын тухай хуулийн 21.1.1 дэх заалтад нэмэлт, өөрчлөлт оруулснаар орон нутгийн үнэт цаасны хүүгийн орлогыг татвараас чөлөөлөхөөр тусгажээ. Мөн Банкны тухай хуулийн 17.4 дэх заалтыг өөрчилснөөр арилжааны банкууд орон нутгийн үнэт цаасны арилжаанд ямар нэгэн хязгаарлалтгүйгээр оролцох боломж бүрдэх юм.
Товчхон
Ил тод байдал
Энэ мэдээг боловсруулахад ашигласан материалын холбоосууд.
Үндсэн эх сурвалж: Өмнөговь аймгийн иргэдийн төлөөлөгчдийн хурал
Үргэлжлүүлэн унших
© 2026 Tuuchee.mn. Бүх эрх хуулиар хамгаалагдсан.
Хөгжүүлсэн: Sain Web
— Сурталчилгаа —
